КУРСИ ОМӮЗИШИИ РОЙГОН БАРОИ ШАҲРВАНДОНИ ХОРИҶӢ

Хонаи халқҳои Россия бо мақсади омӯзиши забони русӣ мутобиқшавии оила ва фарзандони муҳоҷирони меҳнатӣ - шаҳрвандони хориҷӣ дар шаҳри Москва курси омӯзишии забони русиро ба таври ройгон ба роҳ мондааст.

Омӯзиши забони русӣ ба таври ройгон дар ҳафтае ду маротиба ба роҳ монда шуда, дар он наврасону ҷавонони аз синни 12 то 15 сола метаванонанд иштирок намоянд. Таълим дар курси мазкур муддати 5 моҳ идома ёфта, дар гуруҳҳои омӯзишӣ аз 6 то 10 нафар ба таҳсил фаро гирифта мешаванд.  

Дар идомаи курси омӯзишӣ чорабиниҳо барои волидайни наврасон ва сайёҳат ба нақша гирифта шуда, хатмкунандагони курси омӯзишӣ бо шаҳодатномаи хатми курс сарфароз гардонида мешаванд.

Шӯрои ҷамъиятии назди Сафорати Ҷумҳурии Тоҷикистон дар Федератсияи Россия аз ҳамватанони муқимӣ, муҳоҷирони меҳнатӣ ва аъзои оилаи онҳо, ки хоҳиши омӯзиши забони русиро доранд, метавонанд барои иштирок дар курси мазкур фарзандон ва пайвандони худро номнавис намоянд.

Хоҳишмандон, барои таҳсил метавонанд ба суроғаи шаҳри Москва, Подсосенский  переулок, хонаи 21, ст 1. муроҷиат намоянд.

Барои маълумоти бештар шаҳрвандони Ҷумҳурии Тоҷикистон -муҳоҷирони меҳнатӣ метавонанд ба Шӯрои ҷамъиятии назди Сафорати Ҷумҳурии Тоҷикистон дар Федератсияи Россия ба рақамҳои зерин муроҷиат намоянд.

Телефон:+7(926) 462 62 01

Суроғаи электронӣ: tojikon.pressa@list.ru