НИШОНИ ФАХРӢ БА ШӮРОИ ҶАМЪИЯТИИ НАЗДИ САФОРАТИ ТОҶИКИСТОН ДАР РОССИЯ
Роҳбари гуруҳи кор бо ҷавонону варзиши Шӯрои ҷамъиятии назди Сафорати Ҷумҳурии Тоҷикистон дар Федератсияи Россия Додихудоев Додихудо бо нишони сарисинагии варзишгоҳи “Торпедо” сарфароз гардонида шуд.
Нишони сарисинагӣ барои ҳамкориҳои мутақобиланд судманд, баргузории чорабиниҳои оммавию варзишӣ, тарғиби тарзи ҳаёти солим ва оммавигардониии варзиш миёни ҷавонону наврасон сарфароз гардонида шудааст.
Нишони сарисинагиро ба роҳбари кор бо ҷавонону варзиш Додихудоев Додихудо роҳбари бошишгоҳи варзишии “Торпедо” дар шаҳри Митишии вилояти Москва Толстых Александр Анатолиевич тақдим намуд.
Мавриди зикр аст, ки аз ҷониби гуруҳи кор бо ҷавонону варзиши Шӯрои ҷамъиятии назди Сафорати Ҷумҳурии Тоҷикистон дар Федератсияи Россия дар ҳамкории пайваста бо ташкилотҳои ҷамъиятии фарҳангии тоҷикони шаҳру вилоятҳои кишвари иқомат пайваста чорабиниҳои варзишӣ аз рӯи намудҳои гуногуни варзиш баргузор карда мешавад, ки дар он доираи васеи тоҷикони муқимӣ ва муҳоҷирони меҳнатӣ иштирок менамоянд.