Дар Москва филми тоҷикии «Фортуна» ба намоиш гузошта шуд

17 октябри соли 2022 дар Толори калони Хонаи синамогарони шаҳри Москва бахшида ба Рӯзҳои фарҳангии Тоҷикистон дар Россия ва 93-юмин солгарди синамои тоҷик бо ташаббуси киностудияҳои давлатии Тоҷикистон «Суғдсинамо» ва «Тоҷикфилм», инчунин бо дастгирии Сафорати Ҷумҳурии Тоҷикистон дар Федератсияи Россия ва Иттифоқи синамогарони Россия, филми тоҷикии бадеии «Фортуна» ба намоиш гузошта шуд.

Дар чорабинӣ намояндагони санъату фарҳанг, ВАО, инчунин донишҷӯён ва дӯстдорони синамо ширкат варзиданд.

Қабл аз оғози намоиш ҳайати коргардонҳо ва ҳунармандони филм ба намояндагони ВАО роҷеъ ба мазмуну моҳият ва ҳадаф аз таҳияи филми мазкур маълумоти муфассал доданд.