“TAJNSK” ДАР НОВОСИБИРСК МАҚОМИ ДУЮМРО СОҲИБ ГАРДИД
Дата публикации: 31.12.2023
Дастаи футболи хӯрди “TAJNSK”-и Ташкилоти ҷамъиятии тоҷикони шаҳри Новосибирски Федератсияи Россия дар мусобиқаи Лигаи футболи хӯрди вилояти Новосибирски Федератсияи Россия мақоми дуюм ва медалҳои нуқраи Лигаи футболи вилояти Новосибирскро соҳиб гардид.
Дастаи “TAJNSK” дар мусобиқаҳои гуногуни вилояти Новосибирски Федератсияи Россия дар ҳайатҳои гуногун иштирок намуда, миллати тоҷикро ба таври шоиста муаррифӣ менамояд.
Даста дар мусобиқаи мазкур дар ҳайати 8 нафарӣ дар майдон рақобат намуда, дар даври финалӣ аз дастаи рақиб шикаст хӯрда, сазовори ҷой дуюм гардиданд.
Дастаи футболи хӯрди “TAJNSK”-и Ташкилоти ҷамъиятии тоҷикони шаҳри Новосибирск аз ҷониби соҳибкори ватанӣ Назиров Ёқубҷон Яҳёевич сарпарастӣ карда мешавад.