Аксияи тозагӣ дар Новосибирск

Бо ташаббуси Ташкилоти ҷамъиятии тоҷикони шаҳри Новосибирск бахшида ба таҷлили Рӯзи шаҳри Новосибирск дар кӯчаи Троллейная аксияи тозагии шаҳр баргузор гардид, ки 3 километри кӯчаи мазкур тозаву озода гардонида шуд.
Мавриди зикр аст, ки ин дуюмин аксияи тоҷикони шаҳри Новосибирск буда, нахустин аксияи тозагии Ташкилоти ҷамъиятии тоҷикон дар кӯчаи Хилокск баргузор гардида буд.
Зиёда аз 30 нафар ҳамватанони муқимӣ баҳри тозаву озода нигоҳ доштани шаҳр ба аксияи мазкур ҳамроҳ гардида, зиёда аз 10 куб партобҳоро гирдоварӣ намуданд.